LOS TEITOS
Las cabanas de teitu son cabañes de piedra con cubierta vexetal asitiaes nes brañes, que yeren poblaos braniegos p’aprovechamientu de camperes de pastu de monte. Atópense nosconceyos de Somiedu y Teberga, dambes zones protexíes n’Asturies. Las cabanas o teitos tán formaos por corte na planta baxa y payar nel baxu cubierta. Emplegábense tanto pa guardar les vaques y la yerba seco, y n’ocasiones disponíen d’un cuartu pal pastor. Representen una forma respetuosa y centenaria d’aprovechamientu y xestión del territoriu.
Trátase de construcciones de gran singularidá, empleguen la escoba, que ye una retama (carba montesa) pa tapar la cubierta. Los muros faíanse en piedra seco ensin argamasa y l’estructura de madera de la cubierta ensin uniones metáliques. El valor patrimonial nun ta namás na construcción en sí mesma, hai qu’entendela como parte d’un paisaxe etnográficude valor estraordinariu, reflexu d’una cultura popular. Ye un microcosmos social y cultural calteníu intactu de xeneración en xeneración.
Estes construcciones tán enmarcaes dientro la cultura noreuropea de cubiertes de paya. En países como Gran Bretaña, Irlanda, Francia, Holanda o Dinamarca, siguen construyéndose viviendes con cubiertes vexetales que gocien de gran prestixu y existe un mercáu con abondos profesionales dedicaos al so caltenimientu y rehabilitación.
Como diz Astur Paredes nel “Corpus de Arquitectura Tradicional Asturiana”: Nel campu concretu de l’arquitectura, la situación periférica de les brañes, l’usu limitáu temporal y lafuncionalidá específica de les construcciones propiciaron la conservación de tipoloxíes tradicionales tanto na morfoloxía, como nos materiales y procesos constructivos. Conserváronseasina nestos espacios formes y técniques yá desaniciaesn’otres zones yhastanos propios pueblos d’orixen.
El sistema productivu que xeneró esti patrimoniu cultural caltúvose vivu nes brañes asturianes hasta finales del S.XX y esto dexó que llegaren hasta los nuesos díes estes construcciones tan singulares que s’estremen de les del restu del continente, yá que caltienen de manera bien xenuina la esencia otra dómina.
El cambéu d’estructures de producción qu’afectó a la zona rural asturiana, coles migraciones del ámbitu rural al urbanu y tamién col cambéu de paradigma cultural y económicu, marcó l’entamu del fin d’esti sistema d’esplotación ganaderasingular, desenvueltu a lo llargo de los sieglos. La situación actual de lascabanas de teitu ye bien murnia.
De los más de 300 teitos inventariaos nos años 90, podemos atestiguar que namás unes decenes llegaron hasta los nuesos díes en bon estáu de caltenimientu. La gran mayoría convirtiéronse en ruines, o van camín de selo bien llueu. Una de les señes d’identidá del patrimoniu cultural asturianu súmese en silenciu.
