ACTIVIDAES
Talleres de bioconstrucción na montaña. Asturies,
branu 2024
Esti taller d’iniciación ta pensáu como una estancia de cinco díes na que practicar distintes técniques de bioconstrucción nuna redolada natural d’enorme guapura, onde vamos llevar a cabu los llabores de caltenimientu d’una cabana de teitu (construcción de piedra y cubierta vexetal). La idea ye encarganos de tol procesu, dende la recoyida de materiales pela redolada hasta l’aplicación y puesta n’obra.
Queremos descubrir el legáu de les técniques tradicionales, venceyanos col territoriu qu’habitamos y conocer los recursos que nos ufierta. Compartir tiempu de calidá con otres persones nel faer. Esfrutar del monte con tolos sentíos. Reapropianos de la construcción como procesu humanu indispensable pa la vida.
Feches
3 veces independientes:
> Agostu – Domingu 18 a Vienres 23
> Agostu – Domingu 25 a Vienres 30
> Sptiembre – Domingu 22 a Vienres 27
Horarios
Domingu: 17h Bienvenida y visita a los teitos de la zona.
Llunes a Xueves: 9h30- 13h30 taller / 15h- 18h30 taller.
Vienres: Visita a brañes y al Parque Natural
Sábadu: Almuerzu y despidida
Actividaes
Vamos faer varies de les técniques constructives venceyaes a las cabanas de teitu:
> El teitáu o caltenimientu de la cubierta vexetal
> Construcción de muros de piedra a xunta seca
> Carpintería artesanal de madera
> Tabiques de cebatu: trenzáu d’ablanu, recubierta d’argamasa de fueya y fibres vexetales.
> Revocos de fueya como acabaos finales pamuries y tabiques
Averarémosnos a distintos tipos de tierres p’aprender a conoceles y con ensayos cenciellos valorar cuálos pueden emplegase na construcción.
Trátase d’un taller d’iniciación al tema, ta abiertu pa cualesquier persona con interés nel tema, sía cual sía la so esperiencia, disciplina o perfil.
El taller va realizase nuna finca privada, asitiada nuna braña de monte.
L´espaciu acondicionáu pa pernoctar ye en colchones nel baxo cubierta. Disponemos de dos construcciones pa la pernocta. Precísase traer sacu dormir ysábana.
L’almuerzu, la comida y la cena tán incluyíos.
Disponemos de cocina comedor onde van poder amañasecenes acomuña. Tamién hai zona de ducha y bañu seco.
Roberto Puertas.
Canteru, carpintería artesanal
Jose Álvarez.
Diseñador industrial, teitador
Macario Iglesias.
Arquiteutu, artesanu de la bioconstrucción
bioconstrucciónasturies.com
Vamos contar tamién con teitadores locales.
350€ persona (IVA incluido) / 5 díes
10 participantes per turnu
Formulariu d'inscripción
