EL PROYECTU
Escuela de Teitáu, un proyectu pa la recuperación de las cabanas de teitu
La Escuela de Teitáu naz dende la iniciativa colectiva cola intención de crear redes de trabayu que contribuyan a la recuperación, conservación y caltenimientu de les cabañes de teitu. El nuesu oxetivu ye sofitar y poner en valor el trabayu que vienen desarrollando les persones que, entá güei, siguen conservando y calteniendo en pie los teitos asturianos.
Llínees de trabayu
> Realícense acciones formatives venceyaes a les téuniques constructives tradicionales propies de les cabañes de teitu: el teitáu o caltenimientu de la cubierta vexetal, la construcción de murios de piedra en secu, la carpintería artesanal, los revocos naturales y otres práctiques tradicionales.
> Llévense a cabu actuaciones concretes de caltenimientu en cabañes de teitu. Les cubiertes vexetales d’escoba o retama precisen del teitáu, esto ye, de la colocación periódica d’una nueva capa vexetal cada cuatro o cinco años.
> Entámense rutes etnográfiques y visites concertaes. Consideramos que la divulgación y el conocimientu d’estes construcciones constitúin un factor fundamental pa la so valoración y preservación.
> Desendólquense llabores de documentación, investigación y espardimientu de los trabayos realizaos, al traviés de la organización d’esposiciones, la participación n’alcuentros especializados, la ellaboración d’artículos d’investigación y otres actividaes de divulgación.
Contactu: info@escueladeteitau.com
La Escuela de Teitáu pretende contribuir d’esta manera a la preservación d’estes construcciones centenaries y, al empar, tresmitir la filosofía de vida venceyada a la ganadería tradicional de monte, dando a conocer los inestimables valores culturales, patrimoniales y humanos que representen.
+ info sobre les brañes asturianas:
“Corpus de Arquitectura Tradicional Asturiana”.
Red de Museos Etnográficos de Asturias.
Autor: Ástur Paredes
