ACTIVIDAES
Talleres de bioconstrucción nel monte. Asturies,
branu 2025
Esti taller de iniciación ta pensáu como una estancia de trés díes na que practicar distintes técniques de bioconstrucción nuna redolada natural d’enorme guapura, onde vamos llevar a cabu los llabores de caltenimientu d’una cabana de teito (construcción de piedra ya cubierta vexetal). La idea ye encarganos de tol procesu, dende la recoyida de materiales pela redolada a la so aplicación ya puesta n’obra.
Queremos afayar el legáu de les técniques tradicionales, venceyanos col territoriu nel que tamos ya conocer los recursos que nos ufierta. Compartir tiempu calidable con otres persones nel faer. Esfrutar del monte con tolos sentíos. Reapropianos de la construcción como procesu humanu indispensable pa la vida.
Feches
2 turnos independientes:
> Agostu – Llunes 18 a Xueves 21
> Agostu – Llunes 25 a Xueves 28
Horarios
Lunes: 17h Bienvenía / 18h taller
Martes y Miércoles: 9h30- 13h30 taller / 15h- 18h30 taller.
Xueves: Visita a los teitos de la zona ya despidida.
Actividaes
Vamos poner en práctica varies de les técniques constructives venceyaes a les cabanes de teitu:
> El teitáu o caltenimientu de la cubierta vexetal.
> Construcción de murios de piedra a xunta seca.
> Carpintería artesanal en madera.
> Tabiques de cebatu: trenzáu d’ablanar recubierta d’argamasa de fueya y fibres vexetales.
Trátase d’un taller d’iniciación al tema, ta abiertu pa cualesquier persona con interés nel tema, sía cual sía la so esperiencia, disciplina o perfil.
El taller va realizase nuna finca privada, asitiada nuna braña de monte.
Espaciu acondicionáu pa pernoctar en colchones na bufarra. Hai que traer sacu dormir ya sábanes.
L’almuerzu, comida ya cena tán incluyíos.
Disponemos de cocina-comedor onde podrán preparase les comíes de forma colaborativa. Tamién hai zona de ducha y bañu seco.
Roberto Puertas.
Canteru, carpintería artesanal
Jose Álvarez.
Diseñador industrial, teitador
Macario Iglesias.
Arquitectu, artesanu de la bioconstrucción
bioconstruccionasturies.com
Vamos contar tamién con teitadores locales.
200€ persona (IVA incluyíu) / 3 díes
10 participantes per turnu
Formulariu d'inscripción
