EQUIPU
La Escuela de Teitáu ye un proyectu autoxestionáu que surde dende la ciudadanía. Pel momentu, conformen l’asociación “Escuela de Teitáu”: José Alvarez, Mónica Armantina y Macario Iglesias.
Mónica
Armantina
Fotógrafa, escritora ya investigadora. Formada académicamente en filosofía, la reflexón traviesa inevitablemente la mio práctica artística. Dende 2019 formo parte de diversos procesos colectivos rellacionaos colo cultural, qu’amás de vivilos y de participar nellos apasióname tamién cavilgalos y encetalos dende l’arte y los procesos artesanales de fotografía analóxica. Amás soi la cronista sentimental de la escuela de teitáu.
Macario
Iglesias
Arquitectu y artesanu de la bioconstrucción. Collaborador del Muséu del Pueblu d’Asturies, del Ecomuséu de los teitos de Somiedu y del Parque Arqueolóxicu-Natural de la Campa Torres. Lleva dando talleres alredor de la recuperación de les técniques constructives tradicionales dende’l 2016. Participó en dellos movimientos sociales en Galicia y Asturies, actualmente forma parte de la Resistencia Neopaisana y de Coop 57 Asturies.
Jose
Álvarez
Diseñador industrial. Definiéronme siempre como axitador cultural por tar detrás de dellos proyectos culturales y sociales como la “Lata de Zinc” o’l Local “Creativo Paraíso”. Anguaño hosteleru nuna tabierna centenaria nel área rural “Casa Narciso”, en Teberga. Dende fai 5 años trabaya nun proyectu personal de restaurar un teitu familiar.